ვახტანგ პირმისაშვილი ტექნიკურ მეცნიერებათა დოქტორია. ის წლების განმავლობაში საერთაშორისო ნავთობმომპოვებელი კომპანიის British Petroleum-ის საქართველოს ფილიალში პროექტების მენეჯერად მუშაობდა. 2016 წლიდან პირმისაშვილი კომპანიას სასამართლოში უკანონო გათავისუფლებისა და დისკრიმინაციული მოპყრობისთვის ედავება.
2015 წელს, BP-ში დასაქმებულებმა პირველადი პროფკავშირი Pipeline Union შექმნეს და საქართველოს პროფესიულ გაერთიანებაშიც გაწევრიანდნენ. ისინი შრომითი პირობების გაუმჯობესებას და ხელფასების მომატებას ითხოვდნენ. პირმისაშვილი სამსახურიდან გათავისუფლებას სწორედ პროფკავშირულ საქმიანობას უკავშირებს, თუმცა კომპანიამ, მიზეზად რეორგანიზაცია დაასახელა.
ვახტანგ პირმისაშვილის საქმის განხილვა თბილისის საქალაქო სასამართლოში ორ წელზე მეტია მიმდინარეობს. ახალგაზრდა იურისტთა ასოციაციაში აცხადებენ, რომ გაწელილი საქმეები როგორც მოსარჩელის ასევე მოპასუხის უფლებებს არღვევს.
მსგავსი სიახლეები
