შარდი სახეზე – სასჯელი ივანიშვილის და აბაზოვის გინებისთვის

მოქალაქე, რომელმაც პარლამენტთან აქციაზე ბიძინა ივანიშვილს და მარნეულის მერს აგინა, ძალადობის მსხვერპლი გახდა.
გავრცელდა ვიდეოები, სადაც ეს მოქალაქე ბოდიშს იხდის და სახეზე სავარაუდოდ შარდს ისვამს

განახლება: მასალის გამოქვეყნების შემდეგ საქართველოს პროკურატურამ დამამცირებელი და არაადამიანური მოპყრობის ბრალდებით დააკავა მარნეულის მუნიციპალიტეტის მერი თემურ აბაზოვი. ეს დანაშაული ისჯება თავისუფლების აღკვეთით 5-დან 10 წლამდე ვადით. ხოლო ამავე მოქალაქის ცემის ფაქტზე, სისხლის სამართლებრივი დევნა დაიწყო საქართველოს პარლამენტის წევრის, პარტია „ერთიანი ნაციონალური მოძრაობიდან“ – აზერ სულეიმანოვის, მარნეულის მუნიციპალიტეტის საკრებულოს წევრის, პარტია „ქართული ოცნებიდან“ – რამინ ალახვერდიევის და მარნეულის მერის ნათესავის, მოქალაქე  ე.გ-ს მიმართ. ეს დანაშაული სასჯელის სახით ითვალისწინებს თავისუფლების აღკვეთას 2 წლამდე ვადით.