წყალტუბოს საკრებულოს წევრის, ჯეირან ომანაძის კომპანიებმა 2022 წელს ხონის მუნიციპალიტეტში ჯამში 4, 797, 112 ლარის ტენდერები მოიგეს
12 დეკემბერი 2022
ჯეირან ომანაძე წყალტუბოს მუნიციპალიტეტის საკრებულოს წევრია. მან და მისმა კომპანიამ ,,ქართულ ოცნებას’’ ჯამში 135 000 ლარი შესწირეს.
2022 წელს ჯეირან ომანაძესთან დაკავშირებულმა კომპანიებმა, შპს ,,ჯ და ჯ’’-მ და შპს ,,როსტვერკმა” ხონის მუნიციპალიტეტში ჯამში 4 797 112 ლარის ტენდერები მოიგეს.
,,Სტუდია მონიტორი’’ ჯეირან ომანაძეს დაუკავშირდა. მისი თქმით, მის კომპანიებს ტენდერში მონაწილეობით არაფერი დაურღვევიათ:
,,ვიღაც ხომ უნდა შესულიყო… დარღვეულია რამე? 20%-ით არის დაგდებული ყველა ტენდერში ფასი…’’ – განაცხადა ჯეირან ომანაძემ.
ხონის მუნიციპალიტეტის მერის, ლადო ჯურხაძის თქმით, კომპანიები ტენდრებს დაბალი ფასის გამო იგებენ და მონაწილეობის პროცესში პრივილეგირებულ მდგომარეობაში არავინ იმყოფება:
,,მე თამამად შემიძლია გითხრათ, რომ მსგავსი პრივილეგია არ გააჩნია არავის. ის, რომ ვიღაც არის ,,ქართული ოცნების’’ წარმომადგენელი, ბენეფიტი და პრივილეგია ნამდვილად არ არის.’’ – განაცხადა ლადო ჯურხაძემ.
მსგავსი სიახლეები
